Home Page
Contatti
 
Cerca in Brindisiweb

 

Versi Dialettali - CANZONI IN VERNACOLO

Va cantu pi te
di Giovanni Guarino - musica di Alfredo Vitale

Avi n’ora ca sta spettu
pi cce cosa tu no vieni,
la stà faci pì dispiettu,
ma pirceni, ma pirceni?
a rrenta a rrenta a la banchina
vau vuiandu chianu chianu,
ma stà varca nò camina,
no mi porta chiù luntanu!

Mannaggia lu rimu
no voli cu voia,
stasera di noia
mi faci murì
ci s’aza lu vientu
mi tiru la vela,
mi ssettu e cuntentu
va cantu pi tè.

Pi stu mari tutt’argientu
vannu e vennu vapurrini
e li varchi a cientu a cientu
cu lampioni e cuncirtini.
vieni vieni bedda mia,
sciamu a Sant’Apullinari,
ca nce festa, ncè lligria,
vieni nziemi a me a cantari

Mannaggia lu rimu
no voli cu voia,
stasera di noia
mi faci murì
ci s’aza lu vientu
mi tiru la vela,
mi ssettu e cuntentu
va cantu pi tè.

Lu strumentu mia è stu cori
ca nisciunu lu ccumpagna,
a gne gioia, a gne dolori
sempri canta e mai si lagna
sulu sulu mi cunzumu,
ardu comu nu cipponi,
tuttu fiamma e tuttu fumu
sontu puru sti canzoni

Mannaggia lu rimu
no voli cu voia,
stasera di noia
mi faci murì
ci s’aza lu vientu
mi tiru la vela,
mi ssettu e cuntentu
va cantu pi tè.


Documenti correlati
» Nota sull'autore delle musiche Alfredo Vitale
» Il Ferragosto brindisino (la tradizionale "mellonata a mare")

VIDEO
Mannaggia lu rimu
Canto Antico della Nostra Terra
Print Friendly and PDF

English version

Brindisi på dansk

Come arrivare e muoversi
 



Partnership

Brindisiweb è un'idea di Giovanni Membola Crediti Copyright Contatti