Home Page
Contatti
 
Cerca in Brindisiweb

 

Versi Dialettali - POESIE

Santu Valintinu
di Attilio Mingolla, Oria

Santu Valintinu
festa ti 'nnamurati,
elettu pi patrinu
ti zit'e di nzurati,

è questa la sciurnata
ti armonia fistosa
e no va rricurdata
'nna stizza o n'atra cosa,

pircé è n'occasioni
ti tregua coniugali
no di cuntestazzioni
ma sulu ti rricali!

Prumess'e giuramenti
si sprecunu stu giurnu,
carezz'e complimenti
si fannu pi cunturnu;

mariti cu mugghieri,
comu tò angioletti,
si scordunu ca ieri
si fecira dispetti,

la zita cu lu zitu,
ca stavunu ncrugnati,
pi mezzu ti stu ritu
mò 'onnu ngià 'mpaciati.

Com'animi gimelli
st'amanti fistiggiati,
si scangiunu giuielli
magari 'ndibbitati;

vistiti, anieddi t'oru,
profumi, rosi, baci,
pircé sta festa loru
l'è fattu fari paci;

filici so st'amanti
sia sposi o fidanzati
e 'ncunu commercianti
li baffi s'è liccati.

Print Friendly and PDF

English version

Brindisi på dansk

Come arrivare e muoversi
 



Partnership

Brindisiweb è un'idea di Giovanni Membola Crediti Copyright Contatti