Home Page
Contatti
 
Cerca in Brindisiweb

 

Versi Dialettali - POESIE

Brindisi ‘ntra lu cori
di Domenico Faraselli

Si sapi addò si nasci,
nò ti lu puè scurdari;
la casa addò tu crisci,
t’la puerti ‘ntra lu cori.

A Brindisi aggiu natu,
so cchiù ti sissant’anni;
vagnoni, aggiu sciucàtu
tranquillu e senz’affanni.

Ma po’, rriva lu giurnu
ca na fatìa t’acchiàri;
ti uàrdi turnu turnu,
ma sai cà t’in dà scìri.

E, comu n’emicranti,
Brindisi aggiu lassatu.
Mi nd’aggiu fatti chianti
quand’iu aggiu partutu!!!...

Ma, poi, lu tiempu passa,
ti faci ‘na ragioni,
ti tài puru ‘na mossa,
nò sinti cchiù vagnoni.

E, intanto, ‘ntra ‘na gioia
e quarche dispiaceri,
nò muèri mai ti noia
pircè sempri ha fatiàri.

Finchè, nu bellu giurnu,
ti uàrdi ‘ntra nu specchiu
e pruèvi quarche scuernu
pircè ti viti vecchiu.

Però lu cori è giovini
e nò si scorda nienti,
la casa, lu paìsi
e tutti li parienti.

Iu nò m’aggiu scurdatu
ti Sant’Apulinari,
ti varchi e vapuretti,
ti San Ghiatoru a mari,

t’la conca e di la Sciàia
culonni e monumentu,
lu soli ca ti scarfa,
lu suènu ti lu vientu,

l’addòri ti la festa
e l’aria t’allicrìa.
E ‘ntra lu cori resta
sempri BRINDISI mia!!!!!!.......

Print Friendly and PDF

English version

Brindisi på dansk

Come arrivare e muoversi
 



Partnership

 

Brindisiweb è un'idea di Giovanni Membola Crediti Copyright Contatti