Canzoni in vernacolo brindisino

Canzona di lu travinieri

di Giovanni Guarino

Lu soli mi sta coci la mitodda
sentu ca mi sta veni la papagna
iu mangiu sulu pani e cipodda,
mbevu l’acqua di lu puzzu di campagna.

iu cantu sempri quando sta caminu,
la uardia mi sta faci lu cagnulu,
ci portu caricatu lu travino
lu tira cu piaceri quistu mulu
allu schuriatu tegnu na puntedda
quando la battu forti scattarescia
faci li cuerpi comu la scuppetta,
e com’àciedd’ all’aria si sta prescia.

Mugghieruma s’è fatta cussi vecchia
ca tienti chiù no teni ntra la vocca
mo s’è nzurduta puru di na recchia
e ntra lu liettu chiù no mi sta tocca
bisogna cu la cangiu, puviredda
ca quandu chiù la rota no camina,
inutili cu puerti la strascedda
no servi mancu chiù la martillina.